ויקרא כ

ויקרא כ"ה ב-ז, פרשת בהר

וַיְדַבֵּר יְהוָה אֶל-מֹשֶׁה, בְּהַר סִינַי לֵאמֹר.
דַּבֵּר אֶל-בְּנֵי יִשְׂרָאֵל, וְאָמַרְתָּ אֲלֵהֶם:
כִּי תָבֹאוּ אֶל-הָאָרֶץ, אֲשֶׁר אֲנִי נֹתֵן לָכֶם,
וְשָׁבְתָה הָאָרֶץ, שַׁבָּת לַיהוָה.

שֵׁשׁ שָׁנִים תִּזְרַע שָׂדֶךָ,
וְשֵׁשׁ שָׁנִים תִּזְמֹר כַּרְמֶךָ,
וְאָסַפְתָּ, אֶת-תְּבוּאָתָהּ.
וּבַשָּׁנָה הַשְּׁבִיעִת, שַׁבַּת שַׁבָּתוֹן יִהְיֶה לָאָרֶץ--שַׁבָּת, לַיהוָה.

שָׂדְךָ לֹא תִזְרָע,
וְכַרְמְךָ לֹא תִזְמֹר.
אֵת סְפִיחַ קְצִירְךָ לֹא תִקְצוֹר,
וְאֶת-עִנְּבֵי נְזִירֶךָ לֹא תִבְצֹר:
שְׁנַת שַׁבָּתוֹן, יִהְיֶה לָאָרֶץ.

וְהָיְתָה שַׁבַּת הָאָרֶץ לָכֶם, לְאָכְלָה—
לְךָ, וּלְעַבְדְּךָ וְלַאֲמָתֶךָ;
וְלִשְׂכִירְךָ, וּלְתוֹשָׁבְךָ, הַגָּרִים, עִמָּךְ.
וְלִבְהֶמְתְּךָ--וְלַחַיָּה, אֲשֶׁר בְּאַרְצֶךָ:
תִּהְיֶה כָל-תְּבוּאָתָהּ, לֶאֱכֹל.